《解憂雜貨店》東野圭吾

呢本書係講一個時光旅行的故事，幾個小偷闖入一間雜貨店，發現可以收到過去時空的信件，又可以回應到佢地。

佢地當中有話：「有時候不是會覺得有人願意聽自己說話，就很感恩嗎？心裏有煩惱的時候，如果無法向別人傾訴，就會很痛苦。」

當中有好多個故事發生左，有魚店老闆兒子追求唱歌夢失敗，最後在孤兒院火災中救出一個男孩，男孩的姊姊成為一個歌手。靜子是一個運動員，愛上有癌病的教練，最後沒有放棄奧運夢，雖敗猶榮。和久浩介想離家出走，問過爺爺，最後沒有跟從建議而成為一個木匠，多年後卻發現因為自己的建議而令父母自殺，自己的成就其實是靠父母自盡而成，酒吧的老闆娘就是當日同學的姊姊。

晴美也住在孤兒院，她憑信中的建議不當陪酒，成功發展自己的事業，最後幫助孤兒院。時空錯亂之下，其實三名小偷剛在她家中犯罪，來到爺爺的雜貨店卻回信給當年的晴美，所以因果關係倒置，發展出一段段關係，慢慢解開各自生活的困苦。

回信爺爺認為「通常諮商者心裏已經有了答案，找人諮商的目的，只是為了確認這個答案是正確的。所以，有些諮商者在看了我的回信後，會再寫信給我，可能是我的回答和他原本想的不一樣。」

最後爺爺是誰呢？他只是一名攀龍附鳳的技工，愛上孤兒院的院長，兩人住在同一區卻因家人反對感情無疾而終。兩人都念念不忘對方，我覺得書中最唯美的一段關係，卻也是最悲涼的一段。

《赫遜河畔談中國歷史》黃仁宇

作者認為一個國家發展有賴於建立起一套信用制度便利資金流動，當中包括法律制度。中國咁多年黎都唔能夠發展，關鍵在於無法建立出這樣一套制度，無法建立數字項目管理。

作者認為歷史有長期的合理性，所以許多歷史的發生背後都必定有原因導致結果。佢評價秦國，認為佢係政治上早熟，係一種間架性設計，幣病在於政令無法有效傳達下面，導致行政效率低下，各地方都冇自治能力，只能靠中央，而中央又下達唔到政令去地方，只能透過中央集權去鞏固自己的統治，形成惡性循環。

如果有一個有效的中層機構作樞紐就可以避免呢個問題，呢個觀點我記得日本歷史學家岡本隆司於中國人為何反日都有類似觀點，覺得中央同地方關係疏離，國家與社會處於游離結構。

黃仁宇最特別的觀點係認為由於各地發展不均衡，所以統治者好多時會全面動員，經常活動去解決地方不均的問題，例如隋煬帝征高麗，漢武帝中央集權力量都係靠經常征伐、唐太宗都有東征西討咁，即係將問題外界化，但係係咪每個朝代的君主面對地方不均都會咁做呢？似乎應該仲有其他原因迫使佢地將問題外界化。

佢歷史觀認為第一帝國係秦漢，係一個以小自耕農作基礎組成的農村經濟，但面對土地兼併問題就束手無策。佢認為由於政府無能，世家大族興起，之後國家四分五裂，要等到及後統治者有能力壓制世家大族先可以完成統一任務，例如北周時對華北大族壓制奠定統一基礎。

佢又認為經濟史角度，中國發展係由西向東，由北向南，以經濟簡單地區去征服富有繁榮地區，佢又認為因為選舉制之不良而導致地方不穩。

之後第二帝國係隋唐宋，係以小自耕農為主體，注重低層機構的水平，有科舉制形成一個文官集團，但因為咁令國家中層組織更為空洞化，所以冇權力或義務去制衡，形成中央集權的傾向，所以統治者都致力於保持農村社會的單一，所以簡單的農村經濟就可確保長治久安，再透過全面動員去組織國家上下，經濟方面就用一種簡單的數學公式去管治人口，但因為咁所以國家商業無法成長。

及後晚唐利用軍事組織慢慢演變出一套財政系統，令到權力落於地方政府身上。作者認為咁樣地方分裂成唔同國家其實便於管理，發展經濟，可按地區差異進行管治，所以分裂不一定比起統一差。去到宋代發展出一套民間經濟去支援軍事開支，即使南宋賠款亦只佔國家收入一小部份，但問題在於冇獨立司法制度，政府管理經商部門亦無效率，佢認為要令財政稅收商業化，國家用數字項目管理先可以令經濟成長，佢認為中共經濟政策成功令佢不靠外援而可以建立起自己經濟，關鍵都係在於財政稅收政策的果效。

我覺得其他國家可能都面對類似問題，但西方國家成功到達轉捩點，而中國則到近代先可以改變，原因何在，似乎需要由經濟史找答案，作者談歷史有時候都會不著邊際，思路唔算好緊密。呢方面日本歷史學家似乎表達能力比較高。

《星際任務Ad Astra》影評

as astra 取自於拉丁文「Per aspera ad astra」的意思是「經過艱苦才能前往眾星之處」。

電影劇本老套，仔搵老豆的故事，講一下太空旅行的想像，場景同外星生命差不多，唔明有d地方點解好似唔洗氧氣，有d地方好似無重力咁，例如月球駕駛點解好似地球咁貼地順暢，開槍又好似同地球一樣，可能佢有d科技我唔識。

最奇怪係一開始太空船個隻馬騮係邊度黎，係外星怪物定係地球走失馬騮呢，點解馬騮就一定要殘殺人類呢，同埋好似唔見佢要氧氣，係咪外星生物？

跟住主角老豆話要搵外星高智慧生命，但結局話原來咩都無，係指無生命，定係有生命不過係低智慧的普通馬騮，所以搵唔到高智慧生命呢？仲有主角最尾撞落太空船，降落傘穿左都無野，根本就唔真實，唔明劇本某d情節究竟做緊d咩？更奇怪有咁多好評。

影評話畢比特好戲，但除左帥之外其實佢又無咩特別，多獨白唔等於好戲吧。至於最後佢無死返到落地球都叫大團圓結局，但搵老豆有少少白做，點解唔一開始就帶粒核彈去海王星呢？洗鬼佢自己去咩，搵個機械人去咪得，錄條片帶過去得唔得呢？其實我懷疑佢係咪真係想搵佢老豆，定係軍方命令，但套戲似乎係想講佢掛住老豆。總之全套戲唔知想點，科技包裝而成的文藝片少看為妙。

《東方快車謀殺案》 阿嘉莎·克莉絲蒂

呢本書講述一件謀殺案，死者係一個綁架並殺害女孩的男人，由主角白羅先生調查。

結果兇手係快車每一個人，因為每個人都同女童死者一家有關係，佢地合謀在列車上殺害呢個殺人犯，而且每一位的不在場證據都係由另一位乘客去證明的。

這個答案是否解釋了一切呢？是的，它已解釋了一切。傷口的性質，每一刀都是由不同的人戳入的。

可是當這特殊情況在我腦中盤桓時，我努力地想，是否還可能在別的什麼場合，把這樣一些不同的人物聚集在一起呢?

整個社會已都譴責過他，我們只不過是執行了那項判決。

幾好睇，結果亦都幾好，快車上冇一個人被拘捕。